白羊座：

个性比较冲动，充满能量亦时有惊喜，喺床上佢哋钟意做主导角色，但亦容易有唔持久嘅情况出现，因为佢哋太心急，好多时一开始就用尽晒啲力，唔识留前斗后。

建议：如果你有个白羊座伴侣，不妨帮佢将节奏放慢，例如玩多啲有趣前戏，中间不时停落嚟转下姿势。

金牛座：

呢个星座出名有耐力，而且对性充满了幻想，喺性事上，佢哋属于容易满足，你只要为性事加添一啲小情趣，例如著条透薄嘅上衣、摆啲sexy姿势、将雪糕、蜜糖搽喺身等等，佢哋都会好投入。但由于佢哋钟意稳定，唔怕重复，所以日子耐咗，佢哋喺床上嘅表现容易千篇一律。

建议：如果咁啱你系好钟意惊喜嘅人，就要自己制造喇，搜罗啲玩具、好去处，其实金牛伴侣系好肯玩嘅，佢哋变得千篇一律，纯綷系因为佢哋容易满足啫。

双子座：

佢哋有活力，又好奇，无论精神上同肉体上都系，可以话系思想最开放嘅星座，所以佢哋喺床上嘅喜好系会不时改变同进化！但有个问题就系，由于佢哋变得太快，佢哋有可能呢轮对性好有兴趣，但过一轮又完全提唔起劲；甚至乎开始咗前戏，佢忽然分咗心，会走咗去做第二啲嘢，而唔觉得有咩唔妥。

建议：喺床上要谂办法捉住佢哋嘅注意力，唔好有闷场，同时随时要有planB嘅准备！

巨蟹座：

喺众多星座入面，佢哋最俾到安全感同爱嘅感觉对方，尤其是你哋啱啱开始甜蜜蜜嘅阶段。但情绪化嘅佢哋，亦可能会由超体贴变得超唔细心，如果佢哋心裹面有太多其他挂累，就会做得唔投入，甚至求其了事。

建议：同得心灵咁敏感、脆弱嘅佢一齐，要尽量俾个稳定、有安全感嘅生活环境佢哋，如果唔系佢哋嘅情绪会影响埋你哋嘅床上生活。

狮子座：

热情、浪漫、点子，狮子座都提供得到，思想好开放，无乜嘢会阻止到佢哋获得欢愉。但要留意返，佢哋唔算好细心，可能有时会忽略咗另一半嘅感受。

建议：佢哋自尊心好强，如果作为另一半嘅有咩想大家调协、改善下，要揾个适当时机，婉转啲咁提出，最好将件事包装到新奇又有趣嘅好玩嘢咁。

处女座：

佢哋好愿意服务别人，会调节自己嘅技巧同喜好去满足对方，可谓好有效率。佢哋虽然聪明伶俐，但就唔系好有创意，同佢一齐，你预咗寻找火花、新点子嘅责任要由你自己负起。

建议：要佢哋谂啲花巧嘢系有啲难为佢哋，作为处女座嘅另一半要体谅喇！

天秤座：

佢哋重优雅、伙伴关系，对于爱爱，佢哋视为美好嘅事，所以佢哋嘅另一半同佢哋一齐，好多时都会获得美丽嘅经验。不过对于表达自己，佢哋唔算好习惯坦荡荡，想知佢哋对另一半有咩期望、对性有咩需要，可能攞把钳都未必撬得开佢把口。

建议：沟通可以由你自己做起，多啲轻松咁同佢哋分享你嘅个人喜好同需要，同埋多啲从佢嘅行为动作去触摸佢嘅心意，慢慢建立黙契，有时啲嘢又唔使下下用口讲先明嘅。

天蝎座：

性，有人话系天蝎嘅第二语言。同佢哋一齐，你越少顾虑、越放得开，你会得到越高享受。不过留意返，天蝎控制欲强，擅玩“心战”，一旦情感受到伤害，佢哋嘅反弹会好大。

建议：虽然控制欲强，但唔等如佢哋心肠蛇蝎，只系佢哋十分十分重视忠诚、信任，一旦破坏咗，佢哋就会好无安全感，想保护自己。

人马座：

同思想开放、乐观、爱冒险嘅佢哋做爱系乐事，佢哋活力非常充沛，如果你系好容易“攰”嘅类型，同佢哋一齐可能会比较......攰囉！佢哋有啲粗枝大叶，如果你咁啱个性相反，好需要另一半呵住钖住，喺床事方面，你有时可能会有被忽略嘅感觉。

建议：尽量唔好单纯以床上嘅经验嚟衡量你哋嘅感情，留意下佢日常对你好唔好？重唔重视你嘅需要？人马代表咗独立同自由，如果你想刻意束缚住佢，反而会有反效果。

山羊座：

唔好俾佢哋好似比较严肃嘅外表呃到，其实佢哋内裹可以好热情奔放，不过就要俾啲时间佢同你慢慢磨合。

建议：耐性，有耐性就可以了，佢哋唔系反应好快